Kæru viðskiptavinir, Vegna breytinga hjá Ísland.is þarf Staðlaráð Íslands að skipta yfir í nýtt innskráningarkerfi í vefverslun sinni. Innskráningin sjálf breytist ekki að ráði og byggir áfram á notkun rafrænna skilríkja notenda en þau fyrirtæki sem hafa gefið starfsmönnum umboð vegna reikningsviðskipta eða áskriftarsamninga þurfa að endurnýja þau umboð í nýju kerfi. Eldra kerfi verður tekið úr sambandi 1. september og því mikilvægt að ráðast í nauðsynlegar breytingar strax til að tryggja hnökralausa aðlögun og koma í veg fyrir töf á viðskiptum. Leiðbeiningar um aðgerðir má finna hér.
Alþjóðlegu staðlasamtökin ISO veita ár hvert sérstaka rannsóknarstyrki til framhaldsnema á háskólastigi til rannsókna á áhrifum staðla. Hvert ár er ákveðið þema valið og er þemað í ár "staðlar fyrir netöryggi" (Standards for cybersecurity) .
Opið er fyrir umsóknir til 1. júlí 2024.
Nánari upplýsingar og frekari skýringar á umfangi og efni rannsóknar má finna HÉR.
Við hvetjum áhugasama að sækja um.
