Kæru viðskiptavinir, Vegna breytinga hjá Ísland.is þarf Staðlaráð Íslands að skipta yfir í nýtt innskráningarkerfi í vefverslun sinni. Innskráningin sjálf breytist ekki að ráði og byggir áfram á notkun rafrænna skilríkja notenda en þau fyrirtæki sem hafa gefið starfsmönnum umboð vegna reikningsviðskipta eða áskriftarsamninga þurfa að endurnýja þau umboð í nýju kerfi. Eldra kerfi verður tekið úr sambandi 1. september og því mikilvægt að ráðast í nauðsynlegar breytingar strax til að tryggja hnökralausa aðlögun og koma í veg fyrir töf á viðskiptum. Leiðbeiningar um aðgerðir má finna hér.
Út eru komnir nýjar og þýddar útgáfur staðlanna:
Umsjón með þýðingu var í höndum tækninefndar FUT, TN-UPV, Tækninefnd um upplýsingaöryggi og persónuvernd, formaður nefndarinnar er Ólafur Róbert Rafnsson. Þýðingin er birt síða á móti síðu íslensk og ensk síða. Staðlarnir eru grundvallarstaðlar í upplýsingaöryggi og víða til þeirra vísað í opinberum kröfum um upplýsingaöryggi. Sífellt fleiri skipulagsheildir ákveða að taka upp staðlana og/eða láta votta stjórnunarkerfi sín eftir 27001 með notkun á stýringum sem eru í 27002. En 27002 hefur farið í gegnum gagngerar breytingar til að auðvelda notkun hans og eins hefur nokkrum stýringum verið bætt við frá fyrri útgáfu. Þýðingar staðlanna munu efalaust auðvelda notkun þeirra og tryggja samræmi í íslenskri hugtakanotkun hjá notendum.
