Staðlaráð Íslands fagnar 30 ára afmæli sunnudaginn 16. apríl. Á þeim tímamótum flytjum við starfsaðstöðuna í Urðarhvarf 8b. Lokað verður föstudaginn 14. apríl vegna flutninga en við opnum á nýjum stað stundvíslega kl. 8, mánudaginn 17. apríl.
Staðsetning skiptir okkur sífellt minna máli þar sem nú eru allir staðlar seldir á rafrænu formi í gegnum vefverslun okkar. Þeir fjölmörgu sérfræðingar sem taka þátt í staðlastarfi munu þó áfram heimsækja okkur til að sækja fundi. Við þökkum nágrönnum okkar í Þórunnartúninu fyrir samfylgdina og hlökkum til að verða hluti af nýju samfélagi í efri byggðum Kópavogs.
Afmælinu verður fagnað síðar á árinu.
Með bestu kveðjum,
Anna, Arngrímur, Arnhildur, Guðmundur, Haukur Logi, Helga Sigrún og Kristbjörg.
