Kæru viðskiptavinir, Vegna breytinga hjá Ísland.is þarf Staðlaráð Íslands að skipta yfir í nýtt innskráningarkerfi í vefverslun sinni. Innskráningin sjálf breytist ekki að ráði og byggir áfram á notkun rafrænna skilríkja notenda en þau fyrirtæki sem hafa gefið starfsmönnum umboð vegna reikningsviðskipta eða áskriftarsamninga þurfa að endurnýja þau umboð í nýju kerfi. Eldra kerfi verður tekið úr sambandi 1. september og því mikilvægt að ráðast í nauðsynlegar breytingar strax til að tryggja hnökralausa aðlögun og koma í veg fyrir töf á viðskiptum. Leiðbeiningar um aðgerðir má finna hér.
Rafstaðlaráð hélt vel sóttan haustfund þann 27. október en fundurinn var blanda af staðfundi og fjarfundi. Tæplega 70 manns fylgdust með á staðnum eða netinu.
Emil Sigursveinsson, formaður Rafstaðlaráðs kynnti hlutverk og verkefni ráðsins
Kynningar fundarins héldu:
Steinunn Huld Atladóttir, gæða- og umhverfisstjóri RARIK um aðgerðir Rarik í loftslagsmálum.
Jóhannes Þorleiksson, forstöðumaður rafveitu hjá VEITUM um aðgerðir Veitna í loftslagsmálum
Ásgeir Albertsson hjá Rönning um fyrstu aflmeiri 60 riða landtengingu fiskiskipa á Íslandi.
Kynningar eru aðgengilegar með því að smella á heiti erinda hér að ofan.
