Starfsnám

Starfsnám fyrir nemendur Háskólans í Reykjavík

Staðlaráð býður nemendum Háskólans í Reykjavík upp á starfsnám skv. sérstökum samningi sem undirritaður var 2020. Gefst nemendum einstakt tækifæri til að kynnast staðlastarfi, gerð staðla, inntaki einstakra staðla og vinna að rannsóknum á stöðlum. Nemendur í lögfræði, verkfræði, viðskiptafræði og tæknifræði eru sérstaklega hvattir til að sækja um en starfsnám er þó ekki einskorðað við þær greinar. Staðlar koma við sögu í langflestum greinum og geta því átt við um alla. 

Staðlaráð kappkostar að taka vel á móti nemendum og sérsníða starfsnámsverkefni að hverjum og einum. Vinnustaða okkar í Þórunnartúni er góð og við hvetjum nemendur til að freista gæfunnar með okkur. 

Meðal viðfangsefna sem má hugsa sér að vinna með eru:

• Heimsmarkmið Sameinuðu þjóðanna
• Staðlar og löggjöf
• Snjallsamfélög
• CE merkingar
• Staðlar og neytendavernd
• Staðlar og nýsköpun
• Almenn gæðastjórnunarkerfi
• Staðlar sem stuðla að sjálfbærni
• Staðlar og gervigreind
• Ávinningur af staðlanotkun
• Staðlar sem stuðla að samfélagslegri ábyrgð
• Evrópustaðlar 
• Staðlar í byggingariðnaði
• Staðlanotkun við opinber innkaup
• Staðlar sem styðja við ferðaþjónustu
• Umhverfisstjórnunarstaðlar

Hafðu samband fyrir frekari upplýsingar á helga@stadlar.is eða í síma 520-7150

Vinnustofa hjá IEC fyrir starfandi rafmagnsverkfræðinga

Staðlaráð getur árlega boðið tveimur starfandi rafmagnsverkfræðingum á aldrinum 25-35 ára upp á þátttöku í vinnustofu, (e.Young Professionals Programme) á vegum Alþjóða raftækniráðsins IEC. Sú vinnustofa fer fram á aðalfundi samtakanna þar sem fundarmenn skipta þúsundum. Í þátttökunni felst einstakt tækifæri til að kynnast kollegum um allan heim, að kynnast staðlastarfi í gegnum faglega dagskrá og að ná forskoti á þessu sviði hérlendis. 

Hafðu samband fyrir frekari upplýsingar á helga@stadlar.is eða í síma 520-7150