0 hlutir í körfunni
Heildarupphæð: 0 kr.



Auglýsingar

HÖNNUÐIR ATHUGIÐ!

Auglysing_Thjodarvidaukar

Verðlagning og Kjör

 

Þýddir og séríslenskir staðlar

Séríslenskir og þýddir staðlar eru afhentir hvort sem er á pappír eða á rafrænu sniði, samkvæmt skillmálum sem hver kaupandi gengst undir.  Rafrænu skjölin eru send kaupanda í tölvupósti á svonefndu pdc-sniði, varin með sérstökum hætti. Sjá nánar um rafræna afhendingu þýddra og séríslenskra staðla hér.

Pantanir sem ekki eru afhentar rafrænt eru póstlagðar samdægurs eða næsta virka dag.

Almennt er hægt að kaupa séríslenska og þýdda staðla með tvennum hætti:

I. Pappír + Rafrænt

ATH. Kaupandi þarf að taka fram í athugasemd með pöntun velji hann þennan kost!

Kaupanda sem kaupir þýddan eða séríslenskan staðal á pappír, býðst að fá sama skjal á rafrænu sniði fyrir 25% af listaverði staðalsins, rafrænt eintak fyrir einn notanda á móti hverju eintaki sem keypt er á pappír. - Skjalið er ekki heimilt að prenta út.

Kaupandinn hefur þá eitt eintak staðals á pappír í snyrtilegu bandi frá Staðlaráði og samsvarandi rafrænt eintak fyrir einn notanda.


II. Rafrænt eintak + 1x útprentun

Kaupanda býðst að kaupa þýddan eða séríslenskan staðal á rafrænu sniði, með heimild til að prenta skjalið út sjálfur einu sinni. - Sama verð og á pappír.

ATH! Umræddir staðlar eru ávallt bundnir tilteknum notanda og tiltekinni tölvu, hvort sem þeir eru pantaðir fyrir innranet eða ekki. Nöfn og tölvupóstföng notenda þarf að tiltaka við kaupin í athugasemd við pöntun.


Evrópskir og alþjóðlegir staðlar

Evrópskir og alþjóðlegir staðlar eru afhentir hvort sem er á pappír eða með rafrænum hætti, samkvæmt skilmálum sem hver kaupandi gengst undir við kaup í Staðlabúðinni. 

Pantanir sem ekki eru afhentar rafrænt eru póstlagðar samdægurs eða næsta virka dag.

Alþjóðlegir staðlar frá ISO og IEC fást hjá Staðlaráði á sama verði og hjá viðkomandi staðlastofnun. Sama á við að jafnaði um landsstaðla annarra landa.


Notkun staðla á innraneti


Þegar evrópskur eða alþjóðlegur staðall er keyptur á rafrænu sniði fyrir tvo eða fleiri notendur, þá býðst kaupanda að setja skjalið á innranet fyrir þann fjölda notenda sem tiltekinn er og samkvæmt kaupskilmálum. Afsláttur er gefinn ef keypt er fyrir fjölda notlenda umfram tvo. Tíu prósent afsláttur fyrir 3 notendur, 20% afsláttur fyrir 4 notendur og 25% afsláttur ef keypt er fyrir 5 notendur eða fleiri. Ef um mikinn fjölda notenda er að ræða er rétt að hafa samband við Staðlaráð og semja um kjör.


Nemendur, skólar og námskeiðshaldarar

Staðlaráð leitast við að útvega nemendum, skólum og námskeiðshöldurum staðla og önnur gögn á góðum kjörum. Áhugasamir hafi sambandi við sölustjóra, sala@stadlar.is

Aðilar að Staðlaráði njóta afsláttarkjara

Aðild að Staðlaráði hefur einnig ýmsa aðra kosti í för með sér. Sjá nánar hér.