0 hlutir í körfunni
Heildarupphæð: 0 kr.



Auglýsingar

HÖNNUÐIR ATHUGIÐ!

Auglysing_Thjodarvidaukar

Um leit og pantanir í Staðlabúðinni

NIÐURSTAÐA LEITAR - AÐ PANTA

Til að panta skjal er smellt á [BÆTA Í KÖRFU]. Fjölda eintaka hvers skjals er hægt að ákveða hvort sem er áður en vörunni er bætt í körfu eða um leið og gengið er frá pöntun. Áður en gengið er frá pöntun er ráðlegt að smella fyrst á [SJÁ Í KÖRFUNA] og fara yfir pöntunina, tiltaka fjölda eintaka og/eða fjölda notenda sem hvert skjal er ætlað.

ATHUGIÐ! Afsláttur er gefinn af verði sumra skjala ef fleiri en tvö eintök eru pöntuð til "Nota á innra neti".

Með því að smella á [SJÁ NÁNAR] má fá viðbótarupplýsingar, svo sem um hvaða tækninefnd og efnisflokkum (ICS) skjal tilheyrir, hvenær tiltekinn staðall var samþykktur eða umsagnarfrest frumvarps. Í mörgum tilfellum er hægt að sjá fyrstu blaðsíður í skjali með því að smella á [Sýnishorn]. Þannig má einnig sjá umfang (scope) skjala frá ISO og IEC. - Með því að smella síðan á tækninefnd eða efnisflokk (ICS) viðkomandi skjals er hægt að finna öll normskjöl sem tilheyra þeirri nefnd eða efnisflokki. 

Eftir að hafa fundið skjal sem leitað er að getur verið mjög gagnlegt að leita eftir tækninefnd þess skjals til að finna fleiri skjöl um sama efni. 

Fyrirspurnir og ábendingar varðandi pantanir og leit má senda með tölvupósti til Staðlaráðs, sala@stadlar.is


EINFÖLD LEIT

Með því að leita aðeins eftir númeri eða orðum úr heiti, eru mestar líkur á leitin skili því sem leitað er að innan um viðráðanlegan fjölda færslna. Strax á forsíðu Staðlabúðarinnar er hægt að leita aðeins eftir númeri (sjá reit efst vinstra megin á forsíðu). Leit eftir gildandi skjölum og frumvörpum er sjálfgefin. Til að leita eftir skjölum sem felld hafa verið úr gildi, er hakað við "Niðurfelldir" í leitarglugga sem birtist með niðurstöðum leitar.

Leit eftir númeri – Dæmi

Leit eftir númerinu 123 skilar færslum með því númeri ásamt hlutanúmerum (partnumbers) þess númers, ef um slíkt er að ræða; til dæmis færslu 123-1, 123-2 og svo framvegis.

Ártöl eru EKKI notuð við leit. Þegar til dæmis á að finna staðalinn ÍST 30:2012, þá er aðeins slegið inn númer staðalsins: "30". Síðan er staðallinn ÍST 30:2012 valinn úr niðurstöðu leitar.

Númer skjals er slegið inn eins og það kemur fyrir. Þannig á  til dæmis að slá inn [61000-4-2] til að finna staðalinn ÍST EN 61000-4-2:2009. Til að finna örugglega alla parta í staðlaröðinni ÍST EN 61000-4 er aðeins slegið inn [61000-4]

ATH: Við leit að samræmingarskjölum (SAM HD) er hafður punktur [ . ] í stað bandstriks [ - ] til að aðskilja númer og hlutanúmer. 

Leit eftir orðum úr heiti – Dæmi

Hægt er að leita eftir einum orðstofni í senn, eða einu eða fleiri orðum sem koma fyrir í heiti skjals. Leit eftir [járn] myndi skila öllum færslum þar það orð kemur fyrir, þar á meðal færslum með orðunum „járnvara" og „Steypujárnvörur". Sama á við ef leitað er eftir orðum eða orðstofnum úr ensku heiti. Leit eftir orðunum [information] og [information security] myndi skila öllum færslum sem innihalda bæði orðin. Leit eftir orðinu [care] myndi skila færslum með því orði og einnig orðinu „caregivers“.


ÍTARLEG LEIT

Leit eftir tækninefndum – Dæmi

Til að finna staðla og frumvörp sem heyra undir tiltekna tækninefnd er auðkenni nefndarinnar og númer slegið inn. Dæmi: cen/tc 154. Þetta er tilvalið ef finna á alla staðla og frumvörp sem varða tiltekið svið.

Tækninefnd sem staðall heyrir undir er að finna í staðlinum sjálfum, venjulega í formála. Eins má finna tækninefnd í niðurstöðu leitar með því að smella á [SJÁ NÁNAR] og síðan á tækninefndina sem staðallinn tilheyrir.

Hægt er að þrengja leit með því að leita eftir tiltekinni tækninefnd og orði (samfelldum streng) úr heiti samtímis. Dæmi: Tækninefndin eciss/tc 22 og orð úr heiti;  properties. Þó er ekki endilega ráðlegt að þrengja leitina þannig, þar sem fjöldi staðla sem heyrir undir hverja tækninefnd er yfirleitt viðráðanlegur.

Leit eftir efnisflokki (ICS) - Dæmi 

Með því að leita eftir efnslokkum, ICS-númerum, má finna til dæmis staðla á afmörkuðu sviði. Staðalinn ÍST 30 Almennir útboðs- og samningsskilmálar um verkframkvæmdir, tilheyrir efnisflokki 03.100. Með því að leita eftir þeim efnisflokki má finna staðla og frumvörp sem fjalla um skyld efni og ÍST 30. 

ATH! Sleppa núllum „0“ í leitarstreng sem koma fyrir í byrjun og enda ICS-númera: 3.1 finnur staðla í efnisflokki 03.100.

Hægt er að þrengja leit með því að leita eftir tilteknum efnisflokki og orði (samfelldum streng) úr heiti staðals eða frumvarps samtímis. Dæmi: Efnisflokkur 77.140 og orðið pressure. 

ATH! Sleppa núllum „0“ í leitarstreng sem koma fyrir í byrjun og enda ICS-númera: 77.14 finnur staðla í efnisflokki 77.140.

Efnisflokk staðals eða frumvarps er yfirleitt að finna á forsíðu þeirra. Eins má finna efnisflokk fundins staðals eða frumvarps í niðurstöðu leitar með því að smella á [SJÁ NÁNAR].

Fyrirspurnir og ábendingar varðandi pantanir og leit má senda með tölvupósti til Staðlaráðs, sala@stadlar.is