0 hlutir í körfunni
Heildarupphæð: 0 kr.



Auglýsingar

HÖNNUÐIR ATHUGIÐ!

Auglysing_Thjodarvidaukar

Um vöktun Staðla

Staðlar* bætast sjálfvirkt við staðlasafn notanda ("Staðlasafnið þitt") um leið og gengið er frá kaupum í Staðlabúðinni. Staðlarnir eru vaktaðir, nema vöktunin hafi verið afþökkuð.


Staðlavaktin gengur í grundvallaratriðum út á að notandi fær tilkynningu í tölvupósti þegar breytingar verða sem varða tiltekið skjal eða staðal. 

Vöktun staðla er sjálfvirk, en notandi getur hagað vöktun einstakra staðla með mismunandi hætti með stillingum í staðlasafni sínu, "Staðlasafnið mitt". Full vöktun felst í því að notandi fær tilkynningu þegar ný útgáfa vaktaðs staðals tekur gildi, þegar viðbót við staðalinn kemur út og þegar nýtt frumvarp að staðlinum er auglýst. Einnig þegar staðallinn er felldur niður. 

Notandi ákveður sjálfur hvernig hann bregst við tilkynningum um breytingar, hvort hann kaupir t.d.frumvarp eða nýja útgáfu tiltekins staðals sem er vaktaður eða ekki. Staða skjala í staðlasafni notanda er táknuð með mismunandi litum. Staðall í gildi með grænu, frumvarp með gulu og niðurfelldur staðall með rauðu. 

Ráðlegt er að haga vöktun þannig, að maður fái tilkynningu að minnsta kosti þegar ný útgáfa tekur gildi og þegar viðbætur eru gefnar út. 

Hægt er að bæta stöðlum og frumvörpum úr Staðlabúðinni í staðlasafnið og vakta, án þess að kaupa. (hnappurinn „Vakta“ birtist við skjal í niðurstöðu leitar).Þannig er t.d. hægt að vakta frumvarp og fá tilkynningu þegar það tekur gildisem staðall. - 
Á sama hátt er hægt að bæta í staðlasafnið og vakta staðla sem þegar hafa verið keyptir.


– Athugið að full vöktun á eingöngu við íslenska og evrópska staðla. Staðlar sem eru eingöngu frá IEC eða ISO eru vaktaðir þannig að aðeins er látið vita þegar ný viðbót tekur gildi, ný útgáfa eða þegar staðallinn er felldur niður. Frumvörp staðla frá ISO og IEC eru ekki vöktuð.

Staða staðla er táknuð með mismunandi litum. Staðall í gildi með grænum,frumvarp með gulum og niðurfelldur staðall með rauðum.

* Vöktunin tekur til staðla og annarra normskjala, svo sem tækniskýrslna(TR), tækniforskrifta (TS) og frumvarpa.

ATH! Vöktun staðla er á ábyrgð notanda. Staðlaráð verður ekki gert ábyrgt fyrir vöktuninni. Notandi ætti ávallt að fullvissa sig um að hann styðjist við gildandi staðla. Það er hægt með því að hringja í Staðlaráð eða leita eftirviðeigandi stöðlum í leitarvél Staðlabúðarinnar.

Í Staðlatíðindum eru auglýstir nýir íslenskir staðlar, frumvörp að íslenskum stöðlum og niðurfelldir íslenskir staðlar. Áskrift að Staðlatíðindum er góð viðbót við vaktað staðlasafn. Sjá nánar hér.