Aðild að Staðlaráði - borgar sig

Hægt er að sækja um aðild að Staðlaráði hér

Fyrirtæki, stofnun eða félag sem gerist aðili að Staðlaráði Íslands

• leggur sitt af mörkum til að efla staðlastarf á Íslandi, til hagsbóta fyrir íslenskt atvinnulíf og íslenskan almenning,
  
• nýtur afsláttarkjara við kaup á íslenskum stöðlum,
  
• fær ókeypis frumvörp að flestum íslenskum stöðlum á umsagnartíma,
  
• hefur tækifæri til að taka þátt í gerð íslenskra staðla,
  
• getur fylgst með og/eða tekið þátt í evrópskri og alþjóðlegri staðlagerð,
  
• hefur ávallt aðgang að nýjustu upplýsingum um gildandi og væntanlega staðla, íslenska sem alþjóðlega,
  
• getur haft áhrif á staðlastarf á þeim fagsviðum sem skipta það mestu máli,
  
• getur tekið þátt í að móta stefnu í staðlamálum, með því að koma hagsmunamálum sínum á framfæri innan Staðlaráðs eða fagstaðlaráða þess,
  
• hefur atkvæðisrétt á aðalfundi Staðlaráðs og þar með áhrif á stærstu ákvarðanir þess.

Fyrirtæki, stofnun eða félag sem gerist aðili að Staðlaráði Íslands

• velur hvort það vill láta aðildargjald sem það greiðir renna til almennrar starfsemi Staðlaráðs eða til eins eða fleiri fagstaðlaráða Staðlaráðs,
  
• samþykkir að starfa samkvæmt starfsreglum Staðlaráðs og viðkomandi fagstaðlaráðs eða –ráða, eins og við á,
  
• greiðir árlegt aðildargjald samkvæmt ákvörðun aðalfundar Staðlaráðs. Núverandi aðildargjöld eru samkvæmt töflunni hér að neðan.
  

		Flokkur 1	Flokkur 2	Flokkur 3
Ráðuneyti				110.000
Ríkisstofnanir	Starfsm. færri en 20	55.000
	Starfsm. 21-50		77.000
	Starfsm. fleiri en 50			110.000
Fyrirtæki, hálfopinberar stofnanir	Velta <100 m.kr.	55.000
	Velta 100 m.kr. - 1 M.kr.		77.000
	Velta >1 M.kr.			110.000
Samtök í atvinnulífi	Velta < 100 m.kr.		77.000
	Velta > 100 m.kr.			110.000
Félög einstaklinga	Félagsmenn færri en 500	55.000
	Félagsmenn fleiri en 500		77.000

Sækja um aðild að Staðlaráði

---