Ný heimasíða Staðlaráðs

Ný heimasíða Staðlaráðs er komin í loftið.

Við vonum að nýja heimasíðan og nýja Staðlabúðin muni falla notendum í geð. Ekki aðeins er efnisskipanin orðin einfaldari og skýrari, heldur fylgja síðunni nýjungar sem vonandi eiga eftir að koma viðskiptavinum og aðilum Staðlaráðs að góðu gagni.

Allir viðskiptavinir þurfa að nýskrá sig til að geta verslað í nýju Staðlabúðinni. Þeir sem hafa verið í reikningsviðskiptum við Staðlaráð geta síðan óskað eftir slíkum viðskiptum áfram með því að senda tölvupóst á sölustjóra, sala@stadlar.is.

Alþjóðlegir staðlar í nýju Staðlabúðinni

Sem fyrr verður í Staðlabúðinni hægt að kaupa íslenska og evrópska staðla og frumvörp að íslenskum og evrópskum stöðlum. Ein helsta nýjungin er sú, að hægt verður að finna og kaupa þar alþjóðlega staðla frá ISO og IEC og sækja þá á rafrænu sniði um leið og kaupum lýkur.

Pantanir sem ekki eru afhentar rafrænt eru póstlagðar samdægurs eða næsta virka dag, líkt og verið hefur.

Vaktað staðlasafn

Önnur helsta nýjungin í Staðlabúðinni er svokallað vaktað staðlasafn. Staðlar bætast sjálfvirkt við staðlasafn notanda ("Staðlasafnið þitt") um leið og gengið er frá kaupum í Staðlabúðinni. Staðlarnir eru vaktaðir, nema vöktunin hafi verið afþökkuð í kaupferlinu.

Líka er hægt er að bæta stöðlum og frumvörpum úr Staðlabúðinni í staðlasafnið og vakta, án þess að kaupa. (hnappurinn "Vakta" birtist við hvert skjal í niðurstöðu leitar). Þannig er t.d. hægt að vakta frumvarp og fá tilkynningu þegar það tekur gildi sem staðall.

Nánari upplýsingar um vaktað staðlasafn er að finna hér >>

Pantanasaga aðgengileg í þrjá mánuði

Viðskiptavinir Staðlaráðs sem keypt hafa gögn í gegnum Staðlabúðina gegnum tíðina munu innan skamms hafa aðgang að upplýsingum um kaupin, pantanasögu sína, í að minnsta kosti þrjá mánuði.

Ábendingar viðskiptavina varðandi nýju heimasíðuna yrðu vel þegnar. Vinsamlega sendið með tölvupósti á Hjört Hjartarson hjá Staðlaráði.

Staðlaráð Íslands    Þórunnartúni 2, 3. hæð, 105 Reykjavík    Kennitala: 591193 2019    Opnunartími    Sími 520 7150 fax 520 7171