Tækninefnd um dreifilyklaskipulag

Hlutverk tækninefndar um ræfræn skilríki er að þróa og móta staðla fyrir opið og staðlað umhverfi rafrænna skilríkja á Íslandi að teknu tilliti til þess starfs sem á sér stað hjá ISO, CEN og ETSI. Tækninefndin setur sér sjálf markmið, verkefna- og tímaáætlun í samræmi við það umboð sem henni er gefið.

Notkun rafrænna skilríkja mun fyrirsjáanlega snerta víðtæka hagsmuni einstaklinga, fyrirtækja og stofnana. Þeir aðilar sem lýst hafa áhuga eða gætu haft áhuga á þátttöku í nefndinni eru banka- og fjármálastofnanir, ráðuneyti, opinberar stofnanir og samtök fyrirtækja og neytenda.

Tækninefndin er þeim opin sem hafa hagsmuna að gæta á starfssviði nefndarinnar og eru reiðubúnir til að leggja fram þá vinnu, aðstöðu og/eða fjármagn sem þarf til að standa undir starfi nefndarinnar.

Tækninefndin hefur lokið gerð eftirafarndi skjala og hafa þau verið gefin út af Staðlaráði Íslands:

  • TS146:2013 Innihald almennra rafrænna skilríkja
    Tækniforskriftinni er dreift rafrænt og endurgjaldslaust til notenda.
    Hægt er að sækja hana hér: 
    Rafrænar tækniforskriftir

  • TS145:2014 Kröfur til dreifilyklaskipulags á Íslandi
    Hægt er að kaupa tækniforskriftina í Staðlabúðinni

Núverandi verkefni:

  • Kröfur til vottunarstöðva
  • Form og málreglur fyrir dulritaða og undirritaða hluti
  • Tímastimplun
  • Skilgreining á öryggisstigum
  • Samskiptahættir fyrir stöðu skilríkja
  • Tæknileg samþætting
  • Orðalisti dreifilyklaskipulags

Formaður tækninefndar:
Þorvarður Kári Ólafsson, Þjóðskrá Íslands.

Nánari upplýsingar veitir Guðmundur Valsson hjá Staðlaráði Íslands.

Staðlaráð Íslands    Þórunnartúni 2, 3. hæð, 105 Reykjavík    Kennitala: 591193 2019    Opnunartími    Sími 520 7150 fax 520 7171