STAÐLAPÓSTURINN - rafrænt fréttabréf Staðlaráðs

ISO 9000 gæðastjórnunarstaðlarnir - Lykilatriði, uppbygging og notkun

Markmið námskeiðsins er að þátttakendur geti gert grein fyrir megináherslum og uppbyggingu kjarnastaðlanna í ISO 9000 röðinni og þekki hvernig hægt er að beita þeim við að koma á og viðhalda gæðastjórnunarkerfi.

Hámarksfjöld þátttakenda er 12 MANNS

sjá nánar >>

Tuttugu ár eru síðan ISO 9001 gæðastjórnunarstaðallinn var fyrst gefinn út af Alþjóðlegu staðlasamtökunum, ISO. Fyrsta íslenska útgáfa staðalsins kom einnig út árið 1987. Íslensk fyrirtæki hafa almennt og lengst af sýnt gæðastjórnun fremur lítinn áhuga, en nú virðist ætla að verða nokkur breyting á því.  Í könnun Alþjóðlegu staðlasamtakanna kemur fram að á Íslandi voru í árslok 2005 samtals 43 vottuð gæðakerfi samkvæmt ISO 9001. Þau voru 30 árið 2001. Á heimsvísu er staðan þannig að vottuð gæðakerfi samkvæmt ISO 9001 eru í yfir 160 löndum og heildarfjöldi vottaðra gæðakerfa slagar hátt í 800 þúsund. Frá byrjun árs 2004 til loka árs 2005 fjölgaði vottuðum gæðakerfum í heiminum um 116476.

Fundinn, sem haldinn var í Bergen 9. - 10 október, sóttu af Íslands hálfu Halldór Zoëga, formaður Fagstaðlaráðs í fiskimálum og fulltrúi Fiskistofu, Guðbergur Rúnarsson, fulltrúi Landssambands fiskeldisstöðva og Samtaka fiskvinnslustöðva, og Guðrún Rögnvaldardóttir, framkvæmdastjóri Staðlaráðs Íslands. Formaður nefndarinnar er Svein Ludvigsen formaður, fyrrverandi sjávarútvegsráðherra Noregs.

Stjórnun upplýsingaöryggis samkvæmt ISO/IEC 17799 - Lykilatriði og notkun

MARKMIÐ NÁMSKEIÐSINS er að þátttakendur geti gert grein fyrir lykilatriðum staðlanna ISO/IEC 17799 og ISO/IEC 27001 og þekki hvernig þeim er beitt við stjórnun upplýsingaöryggis í fyrirtækjum.

Nánari upplýsingar og skráning >>

Á aðalfundi Staðlaráðs 31. maí var kosin ný stjórn til næstu tveggja ára. Formaður Staðlaráðs, Ingimar Sigurðsson, lét af því starfi eftir tvö ár sem formaður og samtals 10 ár í stjórn Staðlaráðs. Guðrún S. Eyjólfsdóttir frá Samtökum atvinnulífsins var kjörin formað­ur, en einnig komu inn nýir fulltrúar frá umhverfisráðuneytinu og Félagi íslenskra stór­kaup­manna.

Fjölþjóðleg ráðstefna ETeB og Ský um stöðu rafrænna viðskipta

Fimmtudaginn 13. september á Icelandair Hótel Loftleiðum í Reykjavík

Stofnun Fagstaðlaráðs í fiskimálum (FIF) var formlega samþykkt á aðalfundi Staðlaráðs hinn 31. maí síðastliðinn. Fagstaðlaráðið hélt sinn fyrsta fund 12. júní, og voru eftirtaldir kosnir í framkvæmdaráð: Halldór Zoëga, fulltrúi Fiskistofu, formaður; Arthur Bogason, fulltrúi Landssambands smábátaeigenda; Guðbergur Rúnarsson, fulltrúi Landssambands fiskeldisstöðva og Samtaka fiskvinnslustöðva; Kristján Þórarinsson, fulltrúi Landssambands íslenskra útvegsmanna og Margeir Gissurarson, fulltrúi Matís ohf . Verkefni fagstaðlaráðsins verður fyrst og fremst að fylgjast með og taka þátt í alþjóðlegu staðlastarfi um veiðar, vinnslu og eldi innan tækninefndarinnar ISO/TC 234. Ákveðið hefur verið að senda þrjá fulltrúa á fyrsta fund nefndarinnar, sem haldinn verður í Bergen 9. og 10. október.