Staðlamál

Mikil gróska er í stöðlun innan þjónustugreina. Til vitnis um það má nefna staðla um útfararþjónustu, flutning búslóða, þjálfun leiðsögu-manna, póstþjónustu, ræstinga-þjónustu og margt fleira.

Í heiminum búa að minnsta kosti 650 milljónir manna við einhvers konar fötlun. Fjórðungur allra borgara í þróuðum löndum er eldri en 60 ára. Árið 2050 munu þróunarlöndin hafa náð sama marki.

Nýtast öllum
Aðgengi er sífellt meira knýjandi eftir því sem meðalaldur fólks vex og fólk með fötlun krefst í auknum mæli sama aðgengis og aðrir, í félagslífi, stjórnmálum og efnahagslífi. Fyrir fatlaða, eins og ófatlaða, er aðgegni að upplýsingum og samskiptatækjum jafnmikilvægt og að geta notað lyftur, komist inn í byggingar, ferðast, eða kveikt á tæki og notað á öruggan máta.

Aðgengi er ekki aðeins mikilvægt fyrir eldra fólk og fatlaða. Allir geta, hvenær sem er á lífsleiðinni, þurft að glíma tímbabundið við skert aðgengi. Þá geta einföld hversdagsleg verk orðið mjög flókin. Alþjóðlegir staðlar leiðbeina framleiðendum um hvernig hanna á vöru og þjónustu sem er aðgengileg fyrir alla. Vel hönnuð skábraut fyrir hjólastól, sem er í samræmi við alþjóðlegan staðal, getur reynst gagnleg fyrir nýbakaða móður með barnavagn. Tæki með stórum rofa getur gert einhverjum auðveldara fyrir sem er meiddur á hönd. Skynjari sem hindrar að dyr lokist getur komið í veg fyrir slys á þeim sem er hreyfihamlaður vegna bakmeiðsla. Litli upphleypti punkturinn á hnappi 5 á símanum gerir auðveldara að finna númerin – kemur sér vel fyrstu dagana eftir augnaðgerð.

Alþjóðlegir staðlar auðvelda aðgengi allra að vörum, byggingum og þjónustu. Staðlarnir innihalda atriði sem varða öryggi, vinnuvistfræði og samræmdar prófunaraðferðir. Staðlar eru einnig vett-vangur fyrir útbreiðslu tækninýjunga, bæði í þróuðum ríkjum og í þróunarríkjum. Þeir flýta fyrir stækkun markaða og auka heimsviðskipti.

IEC, ISO og ITU samræma starfsemi sína og bjóða upp á stöðlunarkerfi sem auðveldar hönnuðum, framleiðendum og þeim sem sjá um stefnumörkum, að gera heiminn öruggari og aðgengilegri fyrir alla, bæði nú og til framtíðar.

Jacques RÉGIS, Forseti IEC.
Dr. Alan MORRISON, forseti ISO.
Dr. Hamadoun TOURÉ, framkvæmdastjóri ITU.

 Árið 2002 kom út reglugerð nr. 942 um öryggi leikvallatækja og leiksvæða og eftirlit með þeim. Markmið reglu-gerðarinnar er að stuðla að öryggi barna og annarra með því að tryggja að leikvallatæki og leiksvæði séu hönnuð, frágengin og þeim viðhaldið á öruggan og viðurkenndan hátt.

Staðlaráð heldur námskeið um notkun staðla, almenn námskeið sem og sérnámskeið fyrir fyrirtæki, félög og stofnanir. Við leggjum metnað okkar í að bjóða upp á námskeið sem hafa skýr námsmarkmið og skila þátttakendum aukinni færni.

Hagnýting rafrænna reikninga - 7. október
Námskeið fyrir fjármálastjóra og fram-kvæmda-stjóra sem vilja nýta hagræði af rafrænum reikningum.
MARKMIÐ námskeiðsins er að þátttakendur öðlist skilning á nýtingu staðlaðra rafrænna reikninga. Hvernig nota má rafræna reikninga til aukins hagræðis, draga úr kostnaði, auka skilvirkni við sendingu og móttöku og úrvinnslu reikninga í bókhaldi.

Rafstaðlaráð – RST hefur gefið út handbók um staðalinn ÍST 200 Raflagnir bygginga. Handbókin er hugsuð sem viðbótarlesning þar sem notendur staðalsins geta fengið ítarlegar útskýringar og fjölmörg dæmi um notkun hans. Til að auðvelda notkun handbókarinnar eru notuð sömu kaflanúmer og sömu kaflaheiti eins og í staðlinum.

Útbreiðsla ISO 14001 vex stöðugtNú eru liðin 14 ár síðan alþjóðlegi  ISO 14001 staðallinn um umhverfis-stjórnun var gefin út. Staðallinn er stjórnunarstaðall sem lýsir því hvernig koma má á  virkri umhverfisstjórnun í hvaða rekstri sem er. Útbreiðsla ISO 14001 staðalsins hefur verið mjög mikil um heim allan og fer stöðugt vaxandi. Í upphafi voru það iðnfyrirtæki og alþjóðlegar fyrirtækjasamsteypur sem kölluðu eftir staðli um umhverfisstjórnun. Fljótlega jukust vin-sældir staðalsins og útbreiðsla hans náði til bæði stórra og smárra fyrirtækja í framleiðslu  og þjónustu. Í dag er þetta sá grunnur að umhverfisstjórnun sem er lang-útbreiddastur og þekktastur í heiminum.

Um áramótin tók gildi ný reglugerð um vélar og tæknilegan búnað. Reglugerðin er sett til innleiðingar  á nýrri vélatilskipun Evrópusambandsins og leysir af hólmi eldri reglur frá árinu 2001. Reglugerðin snýr sérstaklega að hönnuðum og þeim sem framleiða eða smíða vélar og tæki og lýsir þeim kröfum sem búnaðurinn skal uppfylla.
Nokkrar breytingar verða við þetta og þær helstar að inn kemur ákvæði varðandi áhættumat og jafnframt er nú skýrara en áður að CE-merkja skuli búnað sem heyrir undir gildissvið reglugerðarinnar þegar hann er smíðaður eða framleiddur og að EB-samræmisyfirlýsing skuli liggja fyrir.

Framhaldsskólar eiga að bjóða nemendum bestu þjónustu sem fáanleg er á hverjum tíma. Í lögum er kveðið á um að sérhver framhaldsskóli á landinu eigi að innleiða aðferðir til að meta skólastarfið, þar á meðal kennslu- og stjórnunarhætti, samskipti innan skólans og tengsl við aðila utan hans. Á fimm ára fresti skal utanaðkomandi aðili gera úttekt á sjálfsmatsaðferðum skólans.