Staðlamál

Þann 14. október gefur Staðlaráð út tækniforskriftina TS-135  Einfaldur rafrænn reikningur – NES umgjörð 4. Sama dag verður opnaður nýr vefhluti um rafræn viðskipti á vef upplýsinga-samfélagsins ut.is. Þessi atburður er mikilvægur áfangi í mótun grunngerðar fyrir rafræn viðskipti á Íslandi sem byggir á miðlun upplýsinga um Internetið.

Á vegum Byggingarstaðlaráðs (BSTR) er um þessar mundir unnið að átta séríslenskum staðlaverkefnum. Hvert verkefni er unnið af hópi sérfræðinga og ráðgjafa sem hittast að jafnaði á tveggja vikna fresti. Ætla má að liðlega 40 sérfræðingar og ráðgjafar sinni þessari vinnu.

Alþjóðlegi staðladagurinn er 14. október ár hvert. Að þessu sinni er hann helgaður loftslagsbreytingum og vakin er athygli á hvernig staðlar geta komið að gagni í baráttunni gegn þeim.
Staðlar koma m.a. að gagni

• við að mæla og fylgjast með losun gróðurhúsalofttegunda,
• við hönnun og smíði orkusparandi bygginga, búnaðar og tækja,
• við stjórnun orkunotkunar og orkunýtni.

Væntanlegur er staðall um sam-félagslega ábyrgð. Fram til 14. febrúar á næsta ári geta aðildarlönd að Alþjóðlegu staðlasamtökunum, ISO, gert athuga-semdir við frumvarpið að nefndum staðli. Þar með talið Ísland. Verði frumvarpið samþykkt, þá verður staðallinn – líkt og aðrir staðlar - til frjálsra afnota. Fyrirtæki og stofnanir sem sjá sér hag í að nota staðalinn gera það sem sagt af fúsum og frjálsum vilja.

Ég beið í eftirvæntingu eftir nýrri útgáfu af ISO 9001. Fréttirnar af breytingunum bentu til að tekið yrði á mikilvægum atriðum. Meiri áhersla yrði lögð á forystu og ábyrgð stjórnenda. Skýrari umfjöllun yrði sett fram um útvistaða starfsemi. Lagfæringar yrðu gerðar á nokkrum stöðum sem voru til óþæginda. Það átti ekki að breyta líkaninu sem rammar inn staðalinn.

Í byggingareglugerð er engar reglur að finna um fjarskiptalagnir. Þar af leiðandi hafa hönnuðir og seljendur fjarskiptalagna  ekki haft staðlaðar kröfur til að vinna eftir og húseigendur ekki haft tæknilegt viðmið í viðskiptum sínum.  Tæknisforskriftin TS 151:2009 kemur því til móts við brýna þörf.

Á degi Sameinuðu þjóðanna á síðasta ári, 24. október, sem hér er í minnum hafður fyrir kvennafrídaginn á sínum tíma, var brotið í blað í sögu baráttunnar fyrir launajafnrétti kynjanna hér á landi. Þá undirrituðu félags- og tryggingamála-ráðherra, forseti Alþýðusambands Íslands og aðstoðarframkvæmdastjóri Samtaka atvinnulífsins sameiginlegt erindi til Staðlaráðs um gerð staðals um launajafnrétti og jafna möguleika kynjanna til starfa og starfsþróunar. Erindið grundvallast á bráðabirgða-ákvæði nýrra jafnréttislaga sem Alþingi samþykkti í febrúar 2008 og sameigin-legri jafnréttisbókun ASÍ og SA í tengsl-um við gerð kjarasamninga um sama leyti. Bráðabirgðaákvæðið setur verk-efninu bjartsýnan tímaramma, því þar er kveðið á um að verkinu skuli lokið fyrir árslok 2009.

Fagstaðlaráð í upplýsingatækni, FUT, setti sér í upphafi árs  2008 það metnaðarfulla markmið að skilgreina íslenska grunngerð rafrænna viðskipta. Stofnaður var vinnuhópur sem í eru fulltrúar atvinnulífs og ríkisins. Vinnuhópurinn hefur síðustu mánuði unnið að mótun innleiðingaráætlunar og komið á fót póstlista og opnum vettvangi á slóðinni http://thing.simnet.is.