Staðlamál

Aðild Íslands að Evrópsku stöðlunarsamtökunum (CEN) hefur í för með sér að staðfesta verður alla samevrópska staðla (EN) sem íslenska staðla (ÍST).  Í sumum tilvikum hafa með tilkomu nýrra staðla orðið verulegar breytingar á þeim reglum sem vinna þarf eftir. Evrópski staðallinn ÍST EN 10080:2005 Steel for the reinforcement of concrete - Weldable reinforcing steel - General er dæmi um það. Gildistaka hans leiddi til þess að endurskoða þurfti gildandi staðla um bendistál. Hér á eftir er fjallað um nýja og endurskoðaða staðla sem unnið hefur verið að á vegum Byggingastaðlaráðs (BSTR) vegna þessarar endurskoðunar.

Innan Alþjóðastaðlasamtakanna ISO var nýlega samþykkt að hefja vinnu við stöðlun á sviði fiskveiða, fiskvinnslu og fiskeldis (Fisheries and Aquaculture). Tillaga þar að lútandi var lögð fram í sumar að frumkvæði Norðmanna og leitað eftir umsögnum aðila ISO, sem eru staðlastofnanir 100 landa. Á Íslandi er það Staðlaráð Íslands sem er aðili að ISO.

Nokkuð er umliðið síðan fyrstu íslensku fyritækin fóru að huga að innleiðingu vottaðra gæðakerfa samkvæmt ISO 9001 og síðar vottaðra umhverfisstjórnunarkerfa samkvæmt ISO 14001. Fyrstu fyrirtækin sem fengu vottun á gæðastjórnuarkerfi sitt voru Lýsi hf., ÍSAL og Sölumiðstöð hraðfrystihúsana. Það var árið 1992.

Anna María Lind Geirsdóttir hefur um fimm ára skeið þjónað viðskiptavinum Staðlaráðs. Hún hefurákveðið að láta það gott heita - í bili að minnsta kosti. Um leið og Staðlaráð þakkar Önnu Maríu fyrir frábær störf, bjóðum við nýjan starfsmann, Margréti Marísdóttur, hjartanlega velkominn. Hún mun standa vaktina í sölunni ásamt Önnu Þóru Bragadóttur sölustjóra.

Staðlaráð hefur unnið að því að þýða á ensku staðalinn ÍST 30 Almennir útboðs- og samningsskilmálar um verkframkvæmdir. Enska heitið er Conditions of contract for building and works of civil engineering construction.

... þegar þú spilar fótbolta

Staðallinn ÍST EN 13061 Hlífðarfatnaður - Legghlífar fyrir knattspyrnuiðkendur - Kröfur og prófunaraðferðir er einn fjölmargra staðla sem tengjast íþróttum og öryggi íþróttaiðkenda.

Á aðalfundi evrópsku rafstaðlasamtakanna CENELEC sem fram fór í Þessaloníku í Grikklandi 8. júní síðastliðinn var Guðrún Rögnvaldardóttir, framkvæmdastjóri Staðlaráðs Íslands, kjörin í eitt af fjórum varaforsetaembættum samtakanna til næstu tveggja ára, 2007-2008. Hún tekur þar með sæti í sjö manna framkvæmdastjórn CENELEC.

Guðrún verður ekki aðeins fyrsti Íslendingurinn sem tekur sæti í stjórn CENELEC, heldur einnig fyrsta konan.

Samtökin eru 33 ára gömul, stofnuð 1973. Staðlaráð gerðist aðili að þeim árið 1988. Aðilar eru staðlastofnanir (í sumum tilvikum sérstakar rafstaðlastofnanir) 29 Evrópulanda, þ.e. allra aðildarlanda Evrópusambandsins og EFTA, auk Rúmeníu.

Ný útgáfa staðalsins ISO 9000 kom út í vor og heitir fullu nafni ÍST EN ISO 9000:2005 Gæðastjórnunarkerfi - Grunnatriði og íðorðasafn.  Breytingar frá fyrri útgáfu felast aðallega í uppfærslum og viðbótum og því að samræma staðalinn við  við ISO 14000 staðlaröðina