Tækninefnd um vinnustaðaskírteini

Meginhlutverk tækninefndar um vinnustaðaskírteini verður að þróa og móta staðal um vinnustaðaskírteini, samkvæmt samkomulagi SA og ASÍ um vinnustaðaskírteini og framkvæmd eftirlits á vinnustöðum frá 14. júní, 2010, með síðari breytingum.

Jafnframt verður tekið mið af því starfi sem á sér stað hjá evrópskum og alþjóðlegum staðlasamtökum eftir því sem við á. Starfstími nefndarinnar er ótímabundinn, en hún setur sér nánari markmið, verkefna- og tímaáætlun í samræmi við það umboð sem henni er gefið.
Tækninefndin er öllum þeim opin sem hafa hagsmuna að gæta á starfssviði nefndarinnar og eru reiðubúnir til að leggja fram þá vinnu, aðstöðu og/eða fjármagn sem þarf til að standa undir starfi nefndarinnar. Helstu hagsmunaðilum er sent þetta fundarboð, en til þeirra teljast hugbúnaðarfyrirtæki, prentsmiðjur, verslunar- og veitingafyrirtæki, þjónustuaðilar, samtök í atvinnulífi og opinberir aðilar.

Frumvarp af staðlinum var auglýst til umsagnar 12. júní 2012.
Umsagnarfrestur er til 14. ágúst 2012.
Frumvarpið er hægt að panta hér: frÍST 132 Vinnustaðaskírteini

Formaður tækninefndar:
Þorbjörn Guðmundsson, framkvæmdastjóri, Samiðn

Umsjónaraðili tækninefndar:
Steinunn Valdimarsdóttir, verkefnastjóri, FUT/Staðlaráði Íslands