Tækninefnd um dreifilyklaskipulag

Hlutverk tækninefndar um ræfræn skilríki er að þróa og móta staðla fyrir opið og staðlað umhverfi rafrænna skilríkja á Íslandi að teknu tilliti til þess starfs sem á sér stað hjá ISO, CEN og ETSI. Tækninefndin setur sér sjálf markmið, verkefna- og tímaáætlun í samræmi við það umboð sem henni er gefið.

Notkun rafrænna skilríkja mun fyrirsjáanlega snerta víðtæka hagsmuni einstaklinga, fyrirtækja og stofnana. Þeir aðilar sem lýst hafa áhuga eða gætu haft áhuga á þátttöku í nefndinni eru banka- og fjármálastofnanir, ráðuneyti, opinberar stofnanir og samtök fyrirtækja og neytenda. Tækninefndin er þeim opin sem hafa hagsmuna að gæta á starfssviði nefndarinnar og eru reiðubúnir til að leggja fram þá vinnu, aðstöðu og/eða fjármagn sem þarf til að standa undir starfi nefndarinnar.

Formaður tækninefndarinnar er Haraldur A. Bjarnason, sérfræðingur í Fjármálaráðuneytinu Haraldur.Bjarnason@fjr.stjr.is, tæknilegur ritari er Arnaldur F. Axfjörð, ráðgjafi, Admon ehf afax@admon.is og umsjónaraðili er Guðbjörg Björnsdóttir, verkefnastjóri hjá Staðlaráði gudbjorg@stadlar.is

Tækninefndin er óvirk nú um stundir. Fyrirsjáanlegt er að verkefni hennar verði endurræst áður en langt um líður.