Fréttir af FUT

Boðað er til stofnfundar tækninefndar FUT um rafræna flutningakeðju miðvikudaginn 15. september kl. 14:00 – 15:30. Fundurinn fer fram hjá Staðlaráði Íslands, Skúlatúni 2, Reykjavík

Hlutverk tækninefndarinnar
Meginhlutverk tækninefndar um rafræna flutningakeðju verður að þróa og móta tækniforskriftir og staðla fyrir rafræna miðlun upplýsinga á milli viðskiptaaðila og þjónustuaðila flutningskeðjunnar. Upplýsingarnar geta meðal annars varðað tollafgreiðslu vörunnar, innflutning hennar, afhendingu í og úr vöruhúsi, birgðabreytingar, afstemmingu birgða, staðsetningu vörunnar, ástand hennar og umhverfisaðstæður.

Jafnframt verður tekið mið af því starfi sem á sér stað hjá evrópskum og alþjóðlegum staðlasamtökum. Starfstími nefndarinnar er ótímabundinn, en hún setur sér nánari markmið, verkefna- og tímaáætlun í samræmi við það umboð sem henni er gefið.

Á vorfundi FUT nú í apríl samþykkti fagstaðlaráð í upplýsingatækni stefnuna Rafræn viðskipti - Stefna fyrir íslenskt atvinnulíf og hið opinbera 2010 - 2012 sem varðar innleiðingu rafrænna viðskiptaskjala og er sameiginleg með Icepro, samstarf um rafræn viðskipti.

Vorfundur FUT var haldinn 29. apríl á Grand hótel. Fundurinn hófst með kynningum á störfum tveggja tækninefnda FUT og síðan tóku við hefðbundin vorfundarstörf. 

Kynningar á vorfundi:

• Starfsemi FUT 2009
• Stefna FUT og Icepro
• Nýjar og betri vefþjónustur banka og sparisjóða
  Hermann Þ. Snorrason, formaður tækninefndar FUT um sameiginlega grunngerð fyrir vefþjónustur banka og sparisjóða
• Rafrænir reikningar, pantanir og vörulistar
  Ragnar T. Jónasson, formaður tækninefndar FUT um grunngerð rafrænna viðskipta.

Tækninefnd um grunngerð rafrænna viðskipta hefur stofnað þrjá nýja vinnuhópa til að vinna að útgáfu næstu CEN BII tækniforskrifta. Hóparnir sem stofnaðir hafa verið munu vinna að uppfærslu rafræns reiknings í BII 04 - Basic Invoice og útgáfu BII 05 - Billing (kreditreikningur) og BII 03 - Basic Order (rafræn pöntun).